Conta cuenta y canta cerca nos grandinan

Na april Biblioteca Nacional Aruba a cuminsa cu un otro edicion di su proyecto anual ‘Contamento di storia’ na Cas di Anciano. E proyecto tin duracion di tres luna. Sra. Astrid Gietel, sr. Lloyd Baptiste y sra. Munye Oduber-Winklaar ta e tres 3 contadornan cu ta bishita diferente cas di anciano hunto cu e team di biblioteca.

Di e manera aki biblioteca kier contribui na tene actividadnan alegre y informativo pa nos grandinan cu ta biba den e diferente Cas pa Anciano manera e.o. Paviljoen San Pedro, Huize Maris Stella Savaneta, SABA San Nicolas y Cas Marie Savaneta. Durante e periodo aki cada cas ta haya bishita di tres diferente contado, cada luna uno. Na total tin 11 bishita riba programa.

Otro parti di e programa ta canto estilo ‘Sing-along’ cu canticanan di antes. E proyecto ‘Conta Cuenta Na Casnan di Anciano 2017’ ta bou di encargo di un bibliotecaria y Quota Club Aruba ta ofrece un contribucion financiero pa cubri algun gasto.

Sra Astrid Gietel ta un contador di storia cu a traha hopi aña na biblioteca cu mucha. Y a participa diferente biaha na otro Festival di buki tambe. Nos conoce Lloyd Baptiste como cantante/entertainer. Den su portfolio hopi hits di antes. Sra. Ruthy Vrieswijk-Bergen ta poeta y a yega di particpa na e programa caba. Su publicacionan ta “Sigui inspira...pa duna” y “Poemanan di Ruthy”. Ruthy ta conoci pa su programa radial cu e tabatin na Radio Kelkboom.

E di 11 edicion ta cuminsa e siman aki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn