Contador di storia ‘Grietje’ cu pensioen

Astrid Gietel, un contado di storia den servicio di Biblioteca Nacional Aruba a baha cu pensioen. Pa hopi aña Astid Gietel a traha den ramo di promocion di lesamento bou mucha cu hopi dedicacion y pasion.

Astrid Gietel (nomber di cariño ta: ‘Grietje’) a traha como 38 aña den servicio di gobierno y a cuminsa su carera como kleuterleidster. Na 1988 el a cuminsa traha na biblioteca publico den Mediateca escolar y e ultimo añanan den Dept. Hubenil na Playa. Astrid Gietel tabata guia mucha cu lesamento y e tabata involvi tur siman den actividad special pa mucha. Tur aña el a aporta activamente na Festival di Buki pa mucha y tambe e proyecto di Conta storia na cas di Anciano.

Astrid, durante su añanan trahando na biblioteca, por a explora y usa su talentonan di traha cu mucha y pasa e amor pa storia, poesia, rima, dicho y otro expresionnan oral como tambe buki. Cu su abilidad pa haci contacto cu un y tur, demostra iniciativa y traha den grupo el a duna un contribucion balioso na trabou di biblioteca pa mucha.

Gerente y coleganan di Biblioteca Nacional Aruba ta desea Astrid un dushi pensioen bon mereci y ta spera di wak Astrid hopi den futuro como bishitante fiel di biblioteca.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn