Curso di Fotografia na juli

Biblioteca Nacional Aruba ta ofrece 3 curso cortico di un siman di Fotografia pa fotografo amateur. Esakinan ta tuma lugar na biblioteca na Playa durante luna di juli y ta adecua pa hoben y adulto. Tin 3 nivel, ta cuminsa cu un curso pa principante (4-8 juli, 2or pa 5or), ta sigui cu un curso intermedio (11-15 juli, 2or pa 5or) y e ultimo curso ta bay riba iluminacion den fotografia (18-22 juli, 2or pa 5or). Pa esnan cu ta desea di siña corigi potret cu Photoshop tambe tin un workshop. (6, 13 + 20 juli, 5or pa 7or)

Docente y fotografo profesional pa e cursonan aki ta sr. Ramon Castillo, un fotografo profesional cu mas cu 15 aña di experencia. E ta duna e cursonan hunto cu sra. Veronica Chemaly, Graphic Designer y Fotografo. Pa e contenido di cada curso por bishita website di biblioteca. E cursonan ta costa 150 florin pa persona y por registra via info@bibliotecanacional.aw

 


Beginners (Principante intensivo)

Topiconan ta: Wak trabou di fotografonan grandi den historia, diferente parti di un camara, logica di un camara, uso di diferente shutter speed y diafragma, Midi lus, Obhetivo y lens, profundidad den composicion (scherpte/diepte), composicion, regla di composicion, combersacion tocante ki ora no ta usa e reglanan di composicion, revision y analisis di e trabao di fotografonan contemporaneo, practica/ehercicio. Ta papia riba e resultado hunto den grupo bou guia di e docente. Rekisito: DSLR Camera of camera cu tur manual functions.

Intermediate (Intermedio)

Topiconan cu lo cubri ta: Composicion, Portraits (potret di cara), Introduccion pa exposicion (iluminacion), Lighting techniques (tecnica di lus), lus natural, introduccion di lus artificial.

Lighting

Rekisito ta un DSLR camera cu manual mode. Topiconan cu lo cubri ta: Saca potret cu lus natural (shooting with natural light), saca potret cu lus artificial, (shooting with artificial lighting (studio lighting), crea un ambiente/sentimento cu lus, practica cu modelo.

 

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn