Danki na tur cu a yuda cu e festival di buki pa mucha

Biblioteca Nacional Aruba ta organisa e Festival di Buki pa Mucha tur aña en cooperacion cu instancianan y cu sosten financiero di patrocinadornan. Sin esaki lo no ta posibel pa sigui cada aña cu e promocion di lesamento. E ta un organisacion cu ta pidi hopi creatividad, bon maneho, e aporte di hopi hende cualifica, hopi energia y recurso. Pa logra un exito rotundo, ayudo ta necesario.

Biblioteca Nacional Aruba ta gradici na prome lugar na tur e muchanan y nan mayor pa participa cu un entusiasmo contagioso. Ta un placer pa wak con e muchanan ta gosa cu e evento aki.

Tambe ta gradici e autornan local y for di otro tera, ilustradornan y contado di storia.

Danki na  organisadornan y guiadornan, boluntarionan, empleadonan di biblioteca.

Un danki ta bay na Dept. di Ensenansa y Instituto Pedagogico Arubano (IPA).

Un danki di curason pa e vision cerca e patrocinadornan: RBC Royal Bank (patrocinador principal), librerianan DeWit & VanDorp stores, Plaza Bookshop, Samson Bookstore y Bruna, ELMAR NV, Kiwanis Club of Palm Beach, Guardian Group, Quota International Club, Plus Accountants y Stichting Munira. Y por ultimo miembronan di prensa cu a distribui informacion pa e publico y a yuda cu e promocion.

Hopi ta esnan cu a duna un man y esaki pa BNA ta un honor pa por a traha hunto cu e personanan aki, masha danki!

Biblioteca Nacional Aruba ta invita tur mucha y publico en general pa hasi bon usa di e bunita coleccion di buki. Biblioteca ta sigui cu e trabou di promocion di lesamento y ta sigui stimula otro instancia cu ta traha riba tereno di lesamento. Biblioteca Nacional Aruba ta e centro di conocemento y encuentro pa e pueblo di Aruba.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn