Denise de Jongh di bishita na biblioteca

Denise de Jongh di Boneiro a pasa biblioteca pa entrega su buki titula ‘Lanta sin tata’. Denise a skirbi e buki aki hunto cu drs. Stephen Ebecilio.

Lanta sin tata, tata biologico, ta algo cu a bira basta comun awendia, segun e autora. Mientras tanto esaki por trece consecuencia doloroso, impacto grandi y trauma den bida di mucha y famia. Estudio ta mustra cu den famianan caminda tata ta ausente tin menos bon prestacion academico y mas problema di comportacion. Ausencia di un tata por afecta un yiu pa hopi aña.

Lesando e buki aki por ta e prome paso pa tur cu a of ta lanta sin tata sa con pa deal cu e emocionnan. Sa e importancia di pordona. Con pa libera bo mes. E buki aki ta contene experencia di diferente yiu cu a lanta sin nan tata.

E buki ta contene conseho balioso pa asina yuda deal cu e situacion na un otro manera. Tambe tin conseho importante pa tata y pa mama cu a separa, pa nan sa con ta e miho manera pa comberti e desaroyo den uno positivo. Ademas e buki aki ta bon pa e mucha homber, hoben cu ta desea di bira tata un dia. Pa e ta consciente kico rol di un tata tin den bida di su yiu.

E buki aki ta contene experiencia di yiunan cu a lanta sin tata. Denise de Jongh, escritora y trainer/consultant, den colaboracion cu neurocicologo drs. Stephen Ebecilio, co-autor di e buki aki, ta duna splicacion y conseho tocante di e topico aki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn