Dia internacional di lenga Materno

Fundacion Lanta Papiamento ta organisa un evento cu lo bay tuma lugar e diahuebs awor na Bibloteca Nacional Aruba.

E fundacion ta celebra e di 5 aña di Dia Internacional di Lenga Materno. Esey e fundacion kier a celebra hunto cu Unesco, cu e aña aki tambe ta celebrando esaki pa su di 15 aña y kier a celebr’e en grande.
E fundacion Lanta Papiamento tin 4 meta pero kier pone enfasis e biaha aki riba tres siguiente meta, cu ta cuadra cu e dia Internacional di Lenga Materno. 1 ta mehoracion di desaroyo di idioma Papiamento, tanto nacional como internacionalmente, 2 Ampliacion y profundisacion di conocemento di tur aspecto di e idioma papiamento y concientisacion di nos pueblo di e balornan di e idioma Papiamento, pa su propio desaroyo.
Diahuebs awo ta cuminsa pa 7’or di anochi. Tin como invitado sr. Ramon Todd Dandare. Tin e conocido Shi Preke, cu su nomber ta Lilian Besselink y tambe tin invitado cantante Rixianne Tromp, cu lo canta e himno, Isa Brown lo declama un poema. Shiana Donata y Jasmine Croes tambe lo declama. E anochi lo ta hopi interesante pasobra sa cu Ramon Thode Dandare a haci cierto estudio y esaki lo wordo presenta e anochi aki.
Sra. Shi Preke, gustosamente den su forma unico, ta bin trece un rato di nos dicho y proverbio di idioma Papiamento.
Fundacion Lanta Papiamento ta spera pueblo henter, pa ta na tempo. E anochi ta cuminsa pa 7’or y lo termina pa 9’or di anochi. Entrada ta gratis.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn