Donacion pa Festival di buki pa mucha

Recientemente señora Anneke van Drie, den nomber di Evelien van Dort a otorga sra. Astrid Britten, director di Biblioteca Nacional Aruba, un cheque pa e festival di buki pa mucha di 2013. Esaki a sosode den presencia di Ivy Simon y Julisa Harms di Quota Aruba. E cheque ta bin di Stichting Munira cu sra. Evelien van Dort ta forma parti di dje

Evelien van Dort, ta un autor Hulandes, conoci na Aruba tambe pa su participacion na Festival di buki den pasado. Fuera di skirbi buki pa mucha sra. Evelien Van Dort ta haci hopi na promocion di lesamento riba tur nivel. E ta miembro di diferente fundacion y club di servicio e.o Quota Club.

Evelien ta presidente di Munira, trahando como autora di buki pa mucha combina cu su practica di fysioterapeuta pa mucha. El a skirbi entre otro: Roet in het eten, Funny op trektocht, Daan gaat er voor  y Tim en zijn kippen cu a ser traduci na Papiamento tambe, Tommy y su galiñanan.

Evelien ta traha hunto cu ‘Stichting Lezen en Schrijven’ y ta pone su mes disponibel pa progreso den interior y exterior di su pais. Como miembro di directiva di Quota International Zutphen el a yuda realisa proyectonan regional como un proyecto pa progreso di lesamento di e Graafschapbibliotheek, Greta Bontekoe, un residencia vacacional pa muchanan cu enfermedadnan cronico.

Riba e potret por mira e entrega simbolico di e donacion door di Sra. Anneke van Drie, representando Sra. Evelien Van Dort di Stichting Munira. Director di Biblioteca Nacional Aruba ta gradici ‘Stichting Munira’ y Sra. Evelien Van Dort pa e bunita gesto aki. Stichting Munira ta un fundacion di Hulanda, pa un bon causa. (ANBI). Munira ta sinonimo di Briya: cada iniciativa chikito por tin un efecto hopi grandi!

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn