E buki mas excitante di mundo

Biblioteca Nacional Aruba ta contento y orguyoso di por presenta e buki di Festival di Buki pa Mucha. E buki ta na Papiamento y Hulandes y ta carga como titluo: ‘E buki mas excitante di mundo (Het spannendste boek van de wereld). E conocido autor Hulandes di buki pa mucha Sjoerd Kuyper a skirbi e buki di festival 2017 di Aruba y esaki ta ilustra pa artista visual y docente di arte, Stan Kuiperi. Traduccion ta na encargo di sra. Evelyn Ruiz-Croes y redaccion di Jeroen Hoogerwerf. E buki a keda publica na Levendig Uitgever, Hulanda.

Biblioteca ta traha continuamente riba promocion di lesamento y den cuadro di e meta principal aki ta organisa diferente evento durante aña. Un evento grandi ta e Festival di buki pa mucha. Pa e festival aki biblioteca ta stimula produccion di un buki nobo, specialmente pa e muchanan di scol. Un evento cu e aña aki ta celebra su di 25 aña di existencia

Pa stimula lesamento y publicacion ta presenta anualmente un publicacion  cu storia den cuadro di e tema di e festival Pa percura cu mas tanto mucha tin acceso pa lesa e buki ta trece e publicacion na dos idioma, Hulandes y Papiamento. Hopi biaha un colaboracion artistico entre autor y artista di Hulanda y Aruba. A laga print 2000 ehemplar pa por distribui esaki na tur scol basico di Aruba y e librerianan participante.

E produccion di ‘E buki mas excitante di mundo’ a keda realisa cu cooperacion di Bruna Aruba, De Wit & Van Dorp Stores, Plaza Bookshop, Kiwanis Club of Palm Beach, Century Group, Quota Club y RBC Royal Bank. Adicional e autor Sjoerd Kuyper a ricibi un subsidio for di Nederlands Letterenfonds.. ISBN 978 94 917 4051 0

E buki ta obtenibel pronto na librerianan particpante. Cu compra di 25 florin e cliente ta haya e buki aki gratis.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn