E incidente di e torpedo na Eagle Beach, Aruba

Presentacion di buki di Dufi Kock
E incidente di e torpedo na Eagle Beach, Aruba

Sr. Adolf (Dufi) Kock a entrega 2 ehemplar di su ultimo 2 bukinan na bibliotecarianan sra. Des Croes y Graciela Nedd-Cheng di Dept. Arubiana di Biblioteca Nacional Aruba. E titulonan ta ‘E incidente di e torpedo na Eagle Beach, Aruba’ y ‘The story of the German freighter E.S. Antilla’.
 

E incidente di e torpedo na Eagle Beach, Aruba
E edicion historico aki ta un publicacion cu ta enfoca riba e incidente cual a pasa ora e militarnan Hulandes a purba di disarma un torpedo cu a wordo lansa riba e tanker di Texaco, Arkansas, pa e submarine Aleman U-156 dia 16 di februari 1942. E barco tabata mara na waf di Eagle. Tabata den e area aki cu e U-156 a lansa tres torpedo y un a termina sin explota riba e beach.
E torpedo a wordo descubri den mainta trempan. Un peticion a wordo manda pa Corsou pa manda un ekipo di disarmamento Hulandes pa disarm’e. Varios cos a bay robes simultaneamente ora e tabata wordo disarma, resultando den morto di cuatro militar Hulandes y herido na tres militar local.
Aruba a hunga un rol importante durante e di dos Guera mundial y generalmente tin un necesidad pa nos sigui acumula informacionnan pa asina haya un documentacion historico complete di Aruba su envolvimento y kico e tabata nifica pa Aruba. Ta di vital importancia pa nos laga nos historia mas completo posibel pa e futuro generacion.
 

The story of the German freighter E.S. Antilla’
E guera naval den y rond di Caribe ta un di e poco aspectonan di e di dos guera mundial cu ainda mester un estudio serio. Asina mes e ta representa un capitulo dramatico y yena cu eventonan den historia di guera. Un di e elementonan mas intrigante di e storia aki ta e relato barconan di carga Aleman, Antilla. Gesink despues di un fayo di intento pa aborda pa e militarnan Hulandesnan, Antilla ta e ruina di mas grandi den Caribe y e recurso di leyenda y speculacion. Pakico e grupo abordo Hulandes a tarda su mision, dunando e capitan pa sink su barco? E tabata un ‘spirito shinishi’ involvi den un operacion clandestino pa embastece e botonan Nazi prome cu el a sink? Informacion suministra Pa Antilla tocante e operacion di e strategico vital di Aruba su refineria a hunga un rol despues pa e atakenan submarino riba e isla?

Dufi Kock ta duna un bista fascinante na e habrimento di lunanan di e guera di Caribe y di e rol di Antilla den e conflicto.  Kock, despues dia a traha na Lago pa 35 ana y tambe na varios hotel, a dicidi pa dedica su tempo den trabou comunitario y investiga e historia di Aruba y di dos guera mundial. E tin cuater buki publica. Titulonan ta: Guia con pa solicita pa un trabaou, Fecha y datonan historico di Aruba, Historia di un auto clasico, Historia di Savaneta.

Dufi Kock a nace na San Nicolas, dia 27 di September 1936 y ta biba na Savaneta 125-F.
Dufi a termina su estudio basico na Scol Don Bosco na San Nicolas. Despues el a continua na scol avansa y a gradua na Lago Vocational School. Despues el a bay traha den oficina di Light Oils. Na aña 1964 el a ricibi un beca di Lago pa bay studia pa ingeniero kimico na Universidad di Dayton, Ohio na Merca. Di regreso el a bay traha como coordinador di Entrenamento y den e capacidad aki el a duna les pa binti aña largo riba diferente nivel y tambe e tabata un persona clave den tayernan importante. Como miembro nacional y internacional di American Society for Training & Development, e mester a tuma varios curso of seminario tanto local como den exterior. Na Lago mes e mester a tuma hopi curso interno. Tambe el a traha como secretario di Lago Scholarship Foundation pa tres aña. Dufi su servicio na Lago a termina tempo cu Lago a cera na aña 1985.

Na 1997 Dufi a skirbi su prome buki “Guia con pa solicita pa trabao; na aña 2006 dos buki “Fecha y datonan historico di Aruba” y tambe “Historia di un auto clasico”. Asina cu su prome buki a Sali, Dufi a haya su mes ta dedica hopi tempo pa yuda hoben y hende grandi pa logra haya un trabao; traha relato pa muchanan di scol; yuda algun persona traha nan genealogia, etc. Tambe e ta dedica hopi tempo na investigacion di e historia di Aruba y di Segundo Guera Mundial. Cu esaki e ta haya masha hopi peticion local y internacional pa yuda cu historia of pa facilita potret. E ta miembro di varios organisacion di e Mericanonan cu a traha na Lago.
Sr Kock ta parti di e ekipo di sambuyado cu a lanta un chapaleta y anker cu e meta pa sirbi como monumento. Un anker a keda entrega na Commandant Hofma di Marinierskazerne pa sirbi como un monument pa di e forma ey recorda e cuater militarnan Hulandes cu a perde nan bida mientras nan tabata desarma un torpedo na Eagle Beach na aña 1942. Pa su trabaonan boluntario, La Reina a condecora Dufi na aña 2006 como Lid in de Orde van Oranje Nassau.
Hefe di Dept Arubiana, sra Des Croes ta gradici sr. Kock den nomber di Biblioteca Nacional Aruba pa e bunita gesto aki y e contribucion na e coleccion nacional.

Links:
http://www.lago-colony.com/DUFI_KOCK/TWO%20BOOKS%20BY%20DUFI/New_Folder/Two_New_Books_By_Dufi_Kock.htm
www.aruba.com/forum/f7/2-new-aruba-books-about-released-55455/





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn