Ebooks riba Internet

Ebooks riba Internet

Nos ta biba den e era di digitalisacion. Mas y mas informacion ta wordo ofreci den e forma digital y Ebooks ta bira cada dia mas comun riba e mercado di buki. Un Ebook ta e version electronico di un buki. Por lesa un buki asina riba computer of un Ereader of un telefon mobil.

Unda por haya Ebooks? Por haya esakinan riba diferente website. Project Gutenberg ta un website caminda por download riba 33,000 Ebooks por nada. Project Gutenberg ta un di e bibliotecanan online mas grandi caminda por download buki electronico. Por bishita http://www.gutenberg.org

Tambe mayoria libreria riba Internet ta ofrece Ebooks. Nan ta bende nan y normalmente un Ebook ta mas barata cu e buki mes. Por bishita por ehempel www.ereaders.nl y Wattpad ta un bon cu por download y lesa Ebooks on Blackberry. http://www.bol.com/nl/m/boeken/digitaal-gratis/index.html , http://www.goodreads.com/genres/ebooks, http://www.questia.com/library/free-books

Por lesa un Ebook riba computer of sea, Ipad, Kindle, Sony reader, Android of un otro device portabel. E uso di Ereader como instrumento pa lesa Ebooks ta sigui crece. Algun bentaha ta cu e Ereader ta lihe, e no ta pisa mucho (mas of menos 278 gram), e tin e tamaño di un buki pero e ta fini, por download un cantidad grandi di buki riba dje, hasta miles di buki, por lesa ora ta scur, por cambia color den background, e tipo di leter y e tamaño di e leternan.

Un Ebook ta duna bo texto y imagen. Tambe e texto por referi, pa medio di un hyperlink, na fuentenan externo, manera website, file di sonido y video. Depende di e Ereader su capacidad cu por wak e otro fuentenan aki. Por download un Ebook y por manda of ricibi esaki via email. Ebook ta bin den diferente formato. E usuario ta scohe cua e ta usa. Pa candidatonan di examen ta interesante pa sa cu por haya hopi obra literario como Ebook.

Biblioteca Nacional Aruba no ta ofrece Ebooks ainda na su miembronan. Si nos ta consciente di e deseo cerca miembronan pa por download nan cerca nos mes, pero lastimamente na e momento aki e no ta posibel pa ofrece esaki. Nos lo purba pa ofrece Ebooks den futuro.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn