El Caribe

Celebracion Dia Internacional di Derecho di Autor na Biblioteca Nacional Aruba cu

Presentacion di e buki  EL CARIBE.

A invita e autor Pedro Ureña Rib cu lo presenta e obra El Caribe, sus intelectuales, sus culturas, sus artistas, su historia, sus tradiciones populares diahuebs, 23 di april 2015. Esaki ta cuminsa 7or y mey te mas o menos 10or di anochi.

Pedro Ureña Rib ta ministro consehero di e embahador di Republica Dominicana na Havana. E obra El Caribe… ta dirigi na studiantenan universitario y tambe na un publico mas extenso, funcionarionan di relacion exterior, agentenan comercial y na tur esnan cu ta desea di familiarisa cu e rikesa cultural di Caribe. Tambe e obra ta pretende di ta un iniciacion general na e culturanan caribeño, considera como complementario ya cu nan culturanan tin un historia largo y común. E obra El Caribe… a keda constitui a base di investigacionnan encuanto e región Caribe y Latino-America cu Dr. Pedro Ureña Rib y e co-autor Dr. Jean-Paul Duviols a realisa den nan trabounan na Universidad di Sorbonne (Paris), na Universidad Autonomo di Santo Domingo (UASD) y na Universidad Ex UNA (Universidad di Antianan Hulandes) y na Universidad di Guyana Frances. E compilación di dato a keda completa cu investigacionnan bibliográfico recién y datonan saca for di diferente fuentenan universitario di internet.

E presentacion di buki y programa cultural ta den cuadro di celebracion di Dia Internacional di Derecho di Autor. Presentacion ta un colaboracion di Biblioteca Nacional Aruba, Instituto Pedagogico Arubano, Departamento di Cultura Aruba y organisado Mirto Lacle. Lo tin presentacion di Pedro Ureña Rib, Ramiro Lemminga y Mirto Lacle.

Lo presenta un progama cultural cu música, canto y baile. Grupo Folclorico Cultural Dominicano bou guia di Ramona Campos Garcia y cu acompañamento di Lisandro Tambora. Canto di Jack Tromp acompaña pa guitarista Juan Tromp y estreno y presentacion di Combo Café Caribeño, bou guia di Pedro Chencho Kelly. Publico en general ta cordialmente invita pa ta presente e anochi aki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn