Emerita Emerencia ta comparti su bunita storianan

Pa un siman largo Biblioteca Nacional aruba ta presenta un festival di buki atractivo y diverso pa stimula lesamento. Diferente autor y contadonan di cuenta di Aruba, Corsou, Bonaire, Costa Rica y Hulanda, ta participa na e festival anual.

Muchanan di scol por spera presentacion di Emerita Emerencia. E artista special aki a biba na Canada pa mas cu 30 aña. Na Toronto, Emerita a traha como docente y tambe como un “artist in education”. El a crea 8 “one woman shows” na Toronto: ‘Stories my Grandmother told me’, ‘Labyrinth to Treasures within’, ‘Food for Thought’, ‘Spring into Action’, ‘Leap into Summer’, ‘Fall into Fall’, ‘The Festival of Light Stories from around the World’ y ‘Journey to Forgiveness’.

Emerita a duna mas cu 150 show pa aña y a bishita scol, festivalnan, centro di bario, bibliotecanan y theaternan na Canada, Merca, Africa, Boneiro y Corsou durante di un carera di mas cu 25 aña. Algun ana pasa Emerita a bolbe su isla natal. Na mei 2011, Emerita a participa na e Kinderboeken Festival na Surnam cu e obra teatral cu mascara y marioneta produci pa Muchila Creativo, ‘Shon Trupial ta Malo’. Emerita ta un docente cu SKOA y un di e artistanan cu Fundacion Muchila Creativo.

Na 2012, Emerita a dirigi studiantenan di Maria school den un adapcion di ‘Con Mundo a haya su Sabiduria’ pa e apertura di e Festival di Buki pa Mucha na Biblioteca Nacional Aruba. Pa Emerita ta un placer pa ta parti di e bunita festival aki na 2013 atrobe. Ki alegria pa wak hobennan den un trans ora nan ta scucha storia. Storianan tin poder pa transforma y hiba bo den un mundo fantastico! Dilanti di Biblioteca Nacional Aruba lo tin diabierna prome di november un dushi ambiente, cu show, canto, bendemento di buki, cushina y bar bon surti. Un y tur ta bon bini pa pasa for di 5’or di atardi.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn