Emerita Emerencia

Emerita Emerencia, naci na Aruba, a biba na Canada pa mas cu 30 aña. Na Toronto, Emerita a traha como docente y tambe como un “artist in education”. El a crea 8 “one woman shows”, na Toronto: Stories my Grandmother told me, Labyrinth to Treasures within, Food for Thought, Spring into Action, Leap into Summer, Fall into Fall, The Festival of Light Stories from around the World y Journey to Forgiveness.
Cu shownan aki Emerita a duna mas cu 150 show pa aña y a bishita scol, festivalnan, centro di bario, bibliotecanan y theaternan na Canada, Merca, Africa, Boneiro y Corsow durante di un curso di mas cu 25 aña. Na mei 2011, Emerita a participa na e Kinderboeken Festival na Surnam cu e obra teatral cu mascara y marioneta, produci pa Muchila Creativo, Shon Trupial ta Malo. Emerita ta un docente cu SKOA y un di e artistanan cu Muchila Creativo.

 

Na 2012, Emerita a dirigi studiantenan di Mariaschool den un adaptacion di Con Mundo a haya su Sabiduria, pa e inauguracion di e Festival di Buki pa Mucha na Biblioteca Nacional Aruba. Na 2013, Emerita a crea dos show nobo, e prome, The Mouse, The Ant and the Antelopes, pa Festival di Buki pa Mucha 2013 y e di dos, Save Yourself Justina, pa Dia Internacional pa Derecho di Mucha, cu a wordo presenta na Biblioteca Nacional, y a wordo presencia door di Minister di Juventud, Sr. Paul Croes. Na Februari 2015 Emerita lo bai di gira Canada cu e dos obranan aki. Tur dos e shownan a wordo inspira y presenta na Biblioteca Nacional. Emerita ta agredici Biblioteca Nacional Aruba pa e tremendo oportunidad aki. Ta un honor y un placer pa ta parti di e bunita festival aki na 2014 atrobe.
Keda pendiente pa un otro produccion teatral cu Emerita na 2015 aki na Aruba.
Ki alegria pa wak hobennan den un trans ora nan ta scucha storia. Storianan tin poder pa transforma y hiba bo den un mundo fantastico! Sigi lesa, keto bai!!!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn