Empleadonan di biblioteca y archivo ta haya mas informacion di digitalisacion

Empleadonan di Archivo Nacional Aruba (ANA) y Biblioteca Nacional Aruba (BNA) a haya sa un poco mas di e proceso di digitalisacion di material na Digital Library of the Caribbean (dLOC).

Sr. Miguel Asencio y sra. Natalie Baur di Digital Library of the Caribbean na Florida a bishita Aruba pa duna un presentacion cu ta ofrece mas informacion di e maneho di proyectonan di digitalisacion y e parti tecnico di e produccion. Biblioteca Nacional Aruba for di 2007 ta partner di Digital Libraries of the Caribbean y a contribui na e proyecto aki cu digitalisacion di diferente corant bieu di Aruba, entre otro Aruba Esso News. Sr. Asencio a papia riba e topiconan ‘Digital preservation standards’, planea proyecto digital, seleccion di ekipo, strategianan pa archiva. Sra Bauer a facilita e di dos parti di e presentacion cu topiconan ‘digital curation’ incluso un introduccion pa mydLOC tools, creacion di metadata, exposicion digital y otro data visualisa. E presentacion a tuma lugar na biblioteca diamars mainta

Digital Library of the Caribbean (dLOC) ta ofrece acceso na informacion digital di diferente fuente den Caribe na un comunidad mundial di scientifico, investigador y studiante. Por haya mas informacion na www.dloc.com





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn