Entrante dialuna 19 di augustus orario regular

Despues di vakantie grandi biblioteca ta brinda su servicio na publico na e orario regular. Na Playa biblioteca ta habri 3 anochi te 8or, dialuna, diaranson y tambe diabierna. Na San Nicolas biblioteca ta habri 2 anochi, diamars cu diahuebs. Miembronan di biblioteca cu ainda tin buki na cas di cual nan fecha a vence por entrega nan trankilamente sin preocupa cu mester paga boet. Pero esaki ta cambia na september proximo.

Pa facilita cada miembro di biblioteca mas tanto posibel biblioteca ta ofrece e servicio cu por busca buki tanto na Biblioteca na Playa como na sucursal San Nicolas. Ta keda na e miembro pa scohe e biblioteca mas cerca riba su ruta. Kizas e miembro ta biba na San Nicolas pero ta traha of ta bai scol na Playa of net lo contrario.

Biblioteca Nacional Aruba ta facilita su miembronan tambe pa haci entrega di buki na e sitio di nan escohencia, sea na Playa of e sucursal na San Nicolas. E cantidad maximo di buki ta keda igual.

Dia 2 di september Biblioteca Nacional Aruba ta reintroduci boet despues di un periodo di 3 aña. Pa motibo cu Biblioteca Nacional Aruba su edificio principal tabata cera na 2011 y 2012, a suspende temporalmente  e modulo den sistema di cobra boet riba buki cu a keda entrega lat.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn