Escritora Dacomo ta bishita biblioteca

Escritora Margith Dacomo a haci biblioteca un bishita pa ofrece directora sra. Astrid Britten un ehemplar di su bukinan. ‘E yabi’ y ‘Bida: Mai Mosa’ ta e dos bukinan cu ta nobo den coleccion di Biblioteca Nacional Aruba.

Riba e portada di ‘E Yabi’ e autora ta skirbi: “Bo por tin tur loke bo kier, haci tur loke bo kier y ta e persona cu abo kier ta. E yabi pa esaki ta e Ley di Atraccion. Awor bo ta bai drenta e mundo fascinante di poder mental y exito. Bo ta bay hunga e papel di super estrea den e pelicula di bo bida. E buki aki ta bay mustra bo un mundo maraviyoso caminda bo soñonan ta bira realidad.”

Den “Bida: Mai Mosa, historia di bida real” Margith Dacomo ta describi un aventura di Mai Mosa. Mai Mosa ta un dams di 70 aña di edad y e shon aki ainda tin aden y ta skerpi y bon na tino. Semper for di mucha chikito Margith tabata masha interesa den lesamento y tambe skirbimento di historia cortico na scol. Na 2013 Dacomo a publica e buki ‘E soño’. Su bukinan ta obtenibel na Van dorp bookstore.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn