Excavacion di sondeo na Santa Cruz cu drone

Tin un excavacion di sondeo na Santa Cruz. E Departamento Cientifico di MANA y arqueologonan di NEXUS lo remove capanan di superficie terestre pa haya mas informacion tocante e grandura, densidad di material arqueologico etc. di e santana cu a descubri na Santa Cruz na 2001. Esaki usando tecnologia di drone, filmacion 360 y cu live-stream pa publico. Esaki ta un proyecto di Museo Arqueologico Nacional y ‘Nexus 1492’

Inovacion

Pa prome biaha na Aruba lo usa un drone y aparato di filma 360 pa documenta trabounan di excavacion. E documentacion aki ta na encargo di ‘Brenchie’s Lab’ y e material lo por ser usa pa uso di documentacion cientifico y educativo. Ta planea pa e ‘producto’ di e filmacion ser usa como parti di e oferta educativo di MANA pa scolnan secundario. Henter comunidad di Aruba y esun internacional tambe lo por conoce mas di e trabounan aki ya cu ta planea pa incorpora e material di e filmacion riba e.o. e website di NEXUS. E documentacion cu tecnologia moderno aki ta posibel danki na un inversion di NEXUS y di ‘Fundacion 1403’, cualnan a uni pa hiba investigacion arqueologico y concientisacion di e balor di e herencia arqueologico na Aruba y den region na un siguiente nivel.

Live-stream

E trabounan ta planea pa dura mas of menos un siman y riba e ultimo dia di investigacion lo ‘live-stream’ for di e sitio riba e Facebook di MANA pa publico por haya un bista ‘live’ di kico e trabounan a encera. MANA lo avisa henter comunidad na tempo ki dia nan por wak esaki, pues keda pendiente.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn