Exposicion di cuadra di alumno

Alumnonan di sr. King Lie Kwie ta cera e aña escolar cu un exposicion di cuadra na biblioteca. Nan ta presenta nan obranan cu nan a traha riba durante ultimo lunanan. Un total di  28 alumno ta sigui curso cerca docente sr. King Lie Kwie. E exposicion ta habri dia 19 di juni y ta keda habri te cu dia 26 di juni.

Mayoria alumno a traha cu acrilico y tambe tin obra Mixed media, cu diferente material. Sr. King Lie Kwie ta un artista visual y tin hopi aña ta duna les via FDEC. Despues cu FDEC a cera King a sigui guia su alumnonan na otro localidad na Oranjestad y San Nicolas. Muchanan ta haya guia individual den nan proceso creativo. Temanan ta liber.

Biblioteca Nacional Aruba tin diferente obra di King Lie Kwie den su coleccion, King ta conoci pa su cuadranan cu temanan di critica social. Personanan interesa pa sigui les di pinamento cerca King Lie Kwie por yama 745 5987. E exposicion ta habri pa un y tur durante orario di biblioteca na Playa.

Biblioteca ta ofrece diferente sala caminda entre otro por pone exposicion, duna presentacion, curso of organisa actividad di indole no comercial. Cu mucho gusto biblioteca ta facilita exposicion di arte, obra di man, coleccionnan special of informacion di temanan interesante. Asina ta trata di ofrece na un publico grandi aticvidadnan atractivo, interesante, di temanan actual y cada bes algo nobo.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn