Exposicion di pintura na biblioteca

Durante ultimo 10 aña Centro di Educacion Special (CEDES) ta traha cu muchanan cu a wordo diagnostica cu e spectrum di Autismo. Autismo ta afecta un mucha neurologicamente. CEDES tambe ta celebra Autism Awareness Month. Esaki den forma di un exposicion titula ‘Mi mundo den color’ cu ta tuma lugar dia 22 di April te cu dia 12 di Mei na biblioteca na Playa.

Un di e miho maneranan di celebra ta mustra e comunidad di Aruba e potencial artistico di e muchanan cu Autismo den forma di un exposicion. Esaki ta e di 5 exposicion cu CEDES ta organisa. CEDES ta traha duro pa e muchanan y e mayornan hunto por demostra loke a logra. CEDES ta guia mucha autista pa yega na nan potencial maximo y ta duna conseho na mayornan. Esaki hopi biaha pa medio di metodo creativo, programa personalisa, actividad social y di grupo.

CEDES actualmente tin e programa Early Stimulation, Special Education & Art y Homeschooling pa Autismo cu un total di 21 mucha. Pa mas informacion por manda un email na cedes.educacionespecial@gmail.com.

Un invitacion ta bay pa pueblo pasa admira creatividad, color y amor cu cada mucha a pone den cada un di e pinturanan. E exposicion ta habri pa publico durante orario regular di biblioteca.

  • Exposicion ‘Mi mundo den color’ (Sala di exposicion)
  • Biblioteca Nacional Aruba
  • 22 april – 12 mei 2016
  • Orario regular




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn