Exposicion di potret ‘Lens di mi wowo’ na biblioteca

Reportero y fotografo sr. Leo Vrolijk ta organisa otro exposicion di fotografia ‘E lens di mi wowo’, esaki relaciona cu Dia di Prensa. Apertura di e di 10 edicion di ‘E lens di mi wowo’ ta diabierna anochi awor dia 1 di september na biblioteca na Playa, 7or y mey. Un y tur ta bon bini.

Segun sr. Vrolijk tin mas of menos trinta participante cu un total di 200 potret y cada aña e potretnan ta bira mas bunita, cu bon composicion. E exposicion di potret, e aña aki, ta dedica na Anselmo Leo Vrolijk mes, cu a cumpli 40 aña trahando como miembro di prensa na 2017 e.o. na TeleAruba den funcion di camarografo. Leo Vrolijk a cuminsa den e generacion di filmacion den frame, blanco cu preto, despues a pasa pa color y finalmente a drenta den e era digital. Tambe sr. Vrolijk a traha pa varios corant, entre otro La Prensa, Caribbean Speed Printers/Bon Dia Aruba. “E lens di mi wowo” ta un proyecto pa celebra Dia di prensa, pa asina ofrece un exposicion di potret di tur fotografonan cu ta saca potret pa of den prensa.

Tur aña, dia 1 di september, miembronan di prensa na Aruba ta para keto na e trabou di prensa y temanan special ta wordo treci bou atencion di publico. Un invitacion ta bay na pueblo en general y tur miembro di prensa, pa bishita e exposicion cu ta habri pa publico. Esaki ta keda habri te cu dia 14 di september segun orario di biblioteca.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn