Exposicion di potret di miembronan di prensa ‘Lens di mi Wowonan 2016’

Den cuadro di Dia di Prensa tin e exposicon di potret ‘Lens di mi Wowonan’ y esaki ta habri dia 27 di Augustus. Apertura ta 7or y mey. E exposicion ta habri pa 2 siman na biblioteca na Playa. Organisador di e exposicion aki ta sr. Leo Vrolijk.

Sr. Vrolijk ta gradici tur colega di prensa cu a manda potret y ta contribui na e exposicion di 135 potret. Esaki ta e di nuebe edicion y e biaha aki ta dedica esaki na 3 hende muher, miembronan di prensa local. Un di nan poco luna pasa a haci 30 aña trahando den prensa, Maritza Maduro, tambe Gina Werleman-Burleson y Debby Kelly. Segun Vrolijk “Antes den prensa como fotografo, bo no tabata haye un trabou pa un hende muhe haci. Nan tabata bisa cu ta un trabao di hende homber, pero a mira cu tempo ta pasa, cos ta cambia y pafo tambe tin hende muhe ta traha como tanto fotografo, camarawoman y e aña aki a dicidi pa dedica e exposicion di potret na nan tres”.

Entrante dialuna, dia 29 di Augustus, e exposicion cu 135 potret aki ta habri na biblioteca na Playa durante oranan regular. Tin tur topico exponi. Sr. Vrolijk ta comenta: “E ta hopi bunita pa mira. Con e fotografia a bira y con e hendenan ta wak’e”. Sr. Vrolijk ta contento cu participacion di hopi hoben e aña aki y segun Vrolijk cada shot ta un shot artistico.

E exposicion ta habri pa publico general entrante dialuna awor pa dos siman y entrada ta gratis. Un invitacion ta bay pa un y tur.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn