Exposicion di potret na biblioteca

Exposicion di potret na biblioteca

Biblioteca Nacional Aruba a organisa un workshop di Fotografia pa 60-plus na februari. Esaki tabata un workshop di 6 siman. Tabata un combinacion di un curso online y encuentronan na biblioteca pa papia riba tarea y otro topiconan. Participantenan a sigui un curso online di 4 siman via www.open2study.com titula ‘The art of Photography’. E lesnan ta wordo duna pa medio di tutorials y otro material pa lesa riba Internet. Participantenan a topa otro 1 biaha pa siman pa studia composicion di otro. Cada siman participantenan a saca potret di 6 diferente tema.

Tema:

  • Green
  • Transport
  • Building
  • Trees
  • Circles
  • Thinking

Cada participante por a explora e tema cu su creatividad. Esaki a resulta den un coleccion di potret unico. Publico por wak un seleccion di e potretnan den hal di biblioteca na Playa di: Armand Hessels, Edwin Martinus, Gina Jie Sam Foek, Harold Heyliger, Ricardo Wever, Shirley Jacobs-Winklaar y Tito Sapuana.

Biblioteca ta ofrece diferente curso cortico y tayer pa adulto y lo sigui haci esaki en combinacion cu cursonan online hopi interesante, e asina yama MOOC’s (Massive Open Online Course). Participantenan por sigui e cursonan aki na cas, den nan mes tempo. Loke mester ta un computer y acceso na Internet pero si no tin esaki por bay den sala di computer di biblioteca. Esaki ta un servicio gratis di biblioteca.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn