Exposicion di scultura na biblioteca

Na januari tin un exposicion special di 12 scultura traha di material plasticine, cement y fiber di sra. Willy Flanegin-Franken (’40). Willy a tuma les cerca diferente docente di arte na Aruba, entre otro Willy a sigui les pa 9 aña largo cerca sr. Edwin Donata.

Willy a traha diferente obra den e ultimo decada y awor e tin un coleccion di 12 obra pa mustra publico pa medio di un exposicion na biblioteca. Willy ta traha como 3 luna pa un par di aña riba un scultura. Esaki tin di haber cu e formacion di idea, e proceso di produccion y e tecnica.

E inspiracion cu Willy ta haya pa traha scultura ta basa riba experencianan di bida y un refleho con e ta wak bida. Willy a nace na Utrecht y tin como 50 aña ta biba na Aruba y ta un miembro fiel di biblioteca.

E exposicion ta habri di 26 di januari pa 6 di februari durante orario di biblioteca. Un y tur ta bon bini pa pasa wak e sculturanan tan special.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn