Expresion amarilla

Biblioteca Nacional Aruba a ricibi un regalo for di e artista hoben, Fernando Castillo. Fernando a organisa su solo-exposicion na biblioteca y a mustra un coleccion di 19 cuadra di cara di hende muhe. Pa e artista un homenahe na e forsa den hende muhe cu e ta admira tanto.

E ta accentua esaki dor di uso di simbolo y colornan bibo y fuerte. Y dor di pone un accento den e mirada di e hende muher. Fernando Castillo a nace na Caracas, Venezuela, na 1996. Fernando ta studia arte y fotografia fo di un edad hoben. E ultimo aña el a biba cu su mayornan na Aruba pero awor e ta sigui studia na Buenos Aires, Argentina.

Pa gradici gerente di biblioteca pa por a expone su cuadranan Fernando a regala biblioteca un cuadra titula ‘Expresion amarilla’. Esaki lo keda den espacio publico pa un y tur por gosa di dje. Tamaño di e obra acrilico ta 98X89 cm.

Biblioteca Nacional Aruba ta ofrece espacio y sosten na artistanan hoben cu ta desea di mustra nan obranan y progreso den nan trabou. Esaki banda di diferente otro serviconan publico. Cu esaki biblioteca ta ofrece algo extra na e bishita di cada usuario.  





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn