Fllorece cu Roy: Pan cu keshi

Conoce bo matanan local: Pan cu Keshi

Pakiko e pan pakiko e keshi? Ah. Ata un mata cu casi bo no ta mire para su so, casi semper den un trankera cu cadushi y otro mata. Masha poco bo ta mire para manera un mata di Watapana of Pailisia, of por ehempel un Kwihi. E motibo ta cu e ta gusta nace mei mei otro mata. Tin hopi mata cu e propiedad ey. Ba jega di wak den bo cura cu hopi cadushi ta nace den potchi cu otro mata? Esei ta e mesun propiedad cu Mata di Pan cu Keshi of Dabaruida (nomber scientifico: Pithecellobium ungis-cati), y aunke e di dos nomber e nomber di e typo di mata ta ungis cati, e no ta e Hunja di Gato cu nos conoce na Aruba, nan ta “primo” si. Un otro biaha nos ta skirbi un articulo di Huña di Gato. E mata cu nos ta jama Wild Roos tambe ta un famia cercano.

E mata di Dabaruida  ta wordo jama Pan cu Keshi pasobra rond di su pipita tin un sorto di catuna cu pone un hende pensa cu e ta un sandwich di pan cu keshi…Manera ta conoci aki na Aruba nos tin un apodo pa tur cos y tur hende ti, pakiko no pa e Dabaruida. Ta juist e material blanco aki cu ta parse sparce un catuna of spons por wordo comi.  E cobertura aki di Wilde Roos cu ta similar ta mas diki y Sr Emile Kelboom ta traha snaks y bebida di dje hasta.

Segun e conocido Sr. John de Freitas autoridad riba nos flora, e dabaruida no ta wordo comi door di e maldito cabritonan y carnenan, y e blaachinan y e schors ta remedy contra verkoud, keintura, bronchitis diarea y sangramento….hmmmm, nos por spaar AZV hopi asina…

Si bo tin mas pregunta of comentario skirbimi na: florececuroy@yahoo.com

 

 

 

 

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn