Fred Diks autor invita pa Festival di buki pa mucha 2013

Fred Diks, autor di entre otro ‘KOEN KAMPIOEN’ lo ta un di e autor invitado di BNA pa e Festival di Buki pa Mucha 2013. Fred Diks (1955) cu henter su bida a gusta football, ta biba na Hengelo Gelderland y tin mas cu 25 aña entrenando diferente club di football na parti este di Hulanda. Tambe e ta dedica su mes na skirbi entrevistanan cu e ta haci cu hungadonan di football den e conocido corant ‘De Gelderlander’.

Fred Diks ta un tata orguyoso di cuater yiu y welo di 4 nieto. Tempo cu su yiu homber Alle tabata hunga football ainda, Fred tabata bay wak’e hunga casi semper. Hopi aventura cu Alle tabata pasa den ora di su weganan di football, Fred tabata hinca nan den su bukinan di Koen Kampioen.

Den Klavertjes Drie-serie a sali mientras tanto masha hopi buki di Koen Kampioen. Na mei di 2010 a aparece Koen Kampioen parti 10 cu e titulo - Nummer 10 - .
E autor internacional Rafael van der Vaart a skirbi e prefacio di e buki aki.
 
E muchanan di e gemeente Hengelo (anterior) a scohe Koen Kampioen na 2004 como e buki favorito pa mucha. 
Koen Kampioen a bira asina famoso cu e ‘Achterhoeks Bureau voor Toerisme’ na Hengelo Gelderland a nombra un sendero na esaki: “Het Koen Kampioen-pad”, caminda muchanan deportivo na edad di 6 pa 12 aña por cana aki riba, hunto cu nan famia, e team di football of cu nan scol.  
Banda di skirbi buki pa mucha, Fred Diks tin hopi otro hobby. Entre otro bay cu vakantie cu henter su famia pa Francia of Spaña, ta algo cu e ta gusta masha hopi mes. Tambe e ta gusta cuida y sali cu su nietonan.
Aparte di tur esaki Fred Diks ta un maestro den enseñansa. E ta duna les na Daltonbasisschool De Leer na Hengelo.

Fred Diks a sinti su mes honra dia cu Kluitman a yame pa ofrec’e pa e skirbi buki pa e serie nobo di Kameleon-Junior. Mas ainda pasobra semper antes el a gusta lesa bukinan di Kameleon.
Fred ta haya skirbimento di articulonan tocante streyanan di football, un trabao fascinante. El a bishita hungadonan streya, manera: Demy de Zeeuw, Klaas-Jan Huntelaar, John Heitinga y Wesley Sneijder. Fred a haci studio- y entrevistanan cu famia, entrenado di mucha y hasta maestronan di scol di e hungadonan streya.  Danki na e sinceridad di e hungadonan aki su bukinan por a bira hopi bunita. Fred ta considera e fabuloso apertura di e Stadion Olympico na 2008 y na Beverwijk na 2009 e culminacion di su carera como escritor.
Biblioteca Nacional Aruba, den e siman di ‘Festival di Buki pa Mucha’, ta anuncia cu orguyo e presencia di e autor di buki pa mucha: FRED DIKS!

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn