Fundacion Herencia Cultural Inmaterial ta cuminsa cu su trabou

Na aña 2012 Reino Hulandes a ratifica e tratado di UNESCO pa salvaguardia herencia cultural inmaterial y esaki a drenta na vigor na augustus 2012. E ta trata tradicion y expresionnan oral, incluyendo idioma como vehiculo di herencia cultural inmaterial, arte escenico, ritual y evento festivo, conocemento y practica di naturalesa y e universo y tambe artesania tradicional. E tratado aki ta vigente den henter Reino Hulandes. Gobierno di Aruba a encarga Fundacion Herencia Cultural Inmaterial cu e implementacion di e tratado aki na Aruba. E fundacion a cuminsa su actividadnan medio 2013.

Un di e prome pasonan ta pa cuminsa traha riba un inventario nacional di herencia cultural inmaterial na Aruba. Fundacion Herencia Cultural inmaterial tin un directiva, un conseho consultativo  y un coordinador. Actualmente e oficina di e fundacion ta na Biblioteca Nacional Aruba, George Madurostraat 13.

Directiva ta consisti di sr. Luc Alofs (voorzitter), sr. Jimmy Oduber, sr. Eric Mijts, sr. Igmar Reyes y sra. Minerva Geerman, sra. Jontsje Tilma,  sra. Bernice Schulten y coordinadora ta sra. Gina Jie Sam Foek. E conseho consultativo ta consisti di sr. Jimmy Oduber, sra. Ray Anne Hernandez, sr. Vilmio Wester, sra. Ami Henriquez-Mendez, sr. Gregory Richardson, sra. Merl Gibbs y last but not least sra. Maybelline Arends-Croes. Miembro externo ta sra. Ineke Strouken, directora di Nederlands Centrum voor Volkscultuur en Immaterieel Erfgoed. E coordinadora ta e persona di contacto encuanto informacion tocante nominacion di herencia cultural inmaterial pa e inventario nacional.

Implementacion di e tratado ta trece cu ne e responsabilidad di registra, proteha y cuida herencia cultural inmaterial na Aruba. E fundacion ta bay traha hunto cu diferente instancia na Aruba y na Hulanda manera Nederlands Centrum voor Volkscultuur en Immaterieel Erfgoed (VIE) pa realisa esaki.

Pa mas informacion encuanto UNESCO y herencia cultural inmaterial por fabor bishita e website www.unesco.nl. Otro website cu por bishita ta www.volkscultuur.nl. Pa tene contacto cu e publico local e fundacion a profila su mes riba FaceBook bou di e nomber ‘Herencia Cultural Inmaterial.

http://prezi.com/xyhjmbdd7cf8/kico-ta-herencia-cultural-inmaterial/





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn