Green symposium ta cuminsa dialuna

E di tres edicion di e Green symposium ta cuminsa dialuna. Ta organisa e simposio aki specialmente pa muchanan di scol y studiantenan di MAVO, Colegio Arubano Playa y San Nicolas, Schakel College, International School, EPI, IPA, Scol di Polis, y Universidad di Aruba. Pa e organisacion biblioteca ta partner up cu Green’s Cool, Bureau Innovatie y Santa Rosa, tambe WEB Aruba N.V. y SETAR NV.
 

Ta spera participacion di alrededor 2000 studiante cu ta haya un tour den bus pa pasa na diferente lugar na Aruba cu ta contribui na agricultura y produccion di mata, fruta, yerba medicinal  y berdura. Tambe studiantenan lo siña algo di tecnicanan cu ta wordo usa.
 

Biblioteca Nacional Aruba kier duna un aporte na e asina yama ‘Green Movement’. Focus di e simposio educativo ta riba e importancia y concientisacion di un comunidad sostenibel, ‘A sustainable Aruba’. E simposio ta di dia 7 di april pa dia 11 di april y ta tuma lugar na Cas di Cultura. Tema di e simposio ta ‘Sustainable Food Supply’ (suministro sostenibel di cuminda). E programa ta den oranan di mainta pa muchanan di scol y anochi pa publico general (dialuna entre 6or y 8or di anochi). IBISA ta duna informacion tocante estilo di bida y alimentacion, cu enfasis riba guia di nutricion y deporte. WEB ta duna informacion tocante awa, en relacion cu agricultura. Sponsornan pa e simposio aki ta WEB y SETAR N.V.
 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn