Het aanpassen van Cunucuhuizen aan de wensen van vandaag

Directora Astrid Britten di Biblioteca Nacional Aruba a ricibi un ehemplar di e buki ‘Het aanpassen van Cunucuhuizen aan de wensen van vandaag’ pa e coleccion nacional. Sra. AnnaWitsenburg directora di Stichting Monumentenfonds Aruba a haci e entrega oficial. Ta trata di un estudio di Cas di Cunucu y conseho pa adapta e casnan tradicional na e exigencianan di awendia manteniendo su balor historico y cultural. E buki lo ta pronto na Dept. Arubiana pa consulta.

E publicion ta interesante pa doñonan di un Cas di Cunucu, arkitecto, contratista y otro personanan interesa den arkitektura tradicional. Studiantenan Coen van der Spek y Fabian Heil a skirbi e buki aki despues cu nan a haci nan afstudeeropdracht na Stichting Monumentenfonds Aruba. Nan prome contacto cu Aruba tabata durante un Minor organisa den e area di Rancho y despues nan a bolbe pa nan opdracht caminda cu nan a studia e calidad tecnico di e casnan di Cunucu y tambe con manteniendo e calidad tecnico y monumental toch por adapta e casnan aki na e tempo actual. E buki ta un guia y un manera pa stimula doñonan di casnan di cunucu pa mantene esakinan como parti importante tambe di pasado y cultura.

Pa por a logra hasi e buki aki realidad Stichting Monumentenfonds a conta cu boluntarionan , Andrew Rasmijn, Josephine Lacle, Ebby Ruiz y Marielle Hoeijmakers pa duna forma na e contenido di e buki. Tambe a conta cu colaboracion di Monumentenbureau y Plantage Hoop en Zorg y AIB cu a contribui na e printing di e buki.  Pa tur e personana interesa den e buki lo por download esaki gratuitamente via e website di Stichting Monumentenfonds Aruba www.monumentenfondsaruba.com





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn