Het Glazenhuis ta organisa exposicion na biblioteca

Het Glazenhuis ta organisa exposicion na biblioteca
Exposicion di alumno 2014

Atelier Het Glazenhuis ta invita un y tur pa bishita e exposicion di alumno 2014 na Biblioteca Nacional Aruba. Ta tene e exposicion di dia 16 pa 29 di oktober den sala di exposicion di biblioteca na Playa. Por bishita esaki durante proximo 2 siman.

Anita Seuren ta e forsa creativo y profesional tras di e atelier aki y cu hopi pasion e ta guia un grupo di adulto y mucha na su atelier. E grupo cu ta expone obra ta consisti di (den orden alfabetico) : Annerie van Houdt, Brigitte Boekhoudt, Birgitte Niessen, Carina Molina, Carole Habibe, Corina Coray, Diana Hopman, Dina Legger, Edith Creutzberg, Francien Gerfen, Francis Baaren, Genevieve Wientjes, Gigi Henriquez, Gina Jie Sam Foek, Ineke Cornelis-Pera, Jamie Den Hartog, Mirella Koolman, Margreet van der Lugt, Peggy van der Sloot, Petra Zegers, Pleuni Corton y Roelie Groenewegen, Sandra Slabbekoorn, Wilma van Buren, Vanessa Rasmussen y Shen en Savannah. Esaki ta e di dos aña cu Het Glazenhuis ta tene su exposicion pa un publico grandi y den un espacio publico, habri pa un y tur.

Atelier Het Glazenhuis ta ofrece un workshop ‘Pinta Doodles y Zentangles’ na biblioteca diahuebs dia 16 di oktober entre 3or cu 5or. Esaki ta un estilo di dibuha cu tur hende por practica. Experencia no ta necesario. E workshop ta pa mucha di tur edad, hasta 60-plus y e ta gratis. Si ta desea esaki por trece un fineliner of stift. Pa mas informacion of pa bishita e atelier por yama na tel. 586 1201 of 747 4460 of mail Anita, anita.schildersatelier@gmail.com.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn