Historia di awa na Aruba y calidad di Awa

Diahuebs awor, sr. Filomeno Marchena, Presidente di Fundacion FESTAS, ta duna un charla na Biblioteca Nacional Aruba. Tema di su presentacion ta “Historia di awa na Aruba y calidad di awa”. Tur hende ta bon bini na e charla aki, esaki ta gratis y ta cuminsa 6or y mey di atardi.

Filomeno Marchena ta splica encuanto di historia di awa na Aruba y ta amplia riba sostenibilidad di awa riba nos isla. E ta toca tambe e diferente procesonan inovativo cu ta wordo usa awendia pa destila awa.

Aruba ta un isla cu tin practicamente nada di awa supervicial y poco awa dushi di tera.  Apesar di esaki, pa añanan prome cu e establecimento di industria hopi a sobrevivi y a biba cu e poco fuente di awa cu tabata tin rond di nos isla. Sr. Marchena ta splica con nos isla a evoluciona mediante procesonan simpel te na un awendia, caminda cu e proceso a bira moderno y sostenibel. E presentacion di FESTAS lo enfoca ariba e sistemanan primitivo di destilacion di awa, historia di destilacion na Aruba y e crecimento di tecnologia global di destilacion. sr. Marchena lo amplia riba e futuro di proceso sostenibel di destilacion pa produccion di awa pa bebe y tambe tecnologianan apropia pa destilacion di awa pa yega na awa fresco destina pa irrigacion. Esaki ta algun di e diferente topiconan cu lo haya atencion.

Publico ta cordialmente invita pa asisti na e presentacion di diahuebs awor 28 di mei, Ta cuminsa 6or y mey na Biblioteca Nacional Aruba situa na George Madurostraat.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn