Indra Hu-Ramdas cu mas storia

Indra Hu-Ramdas a participa na 2014 pa di prome biaha na e Festival di Buki pa Mucha. Biblioteca Nacional Aruba a invita Indra Hu-Ramdas, autor di buki pa mucha di Paramaribo tambe pa e edicion 2015. Indra ta bishita diferente scol otro siman y ta tene un presentacion na biblioteca na Playa, diahuebs dia 4 di november, 3or pa tur mucha cu no ta haya un bishita na scol.

Aña pasa Indra a siña poco Papiamento for di e muchanan di scol, ta pesey e por papia un par di palabra “Hopi leuk dat ik weer mag participeren in het kinderboekenfestival Aruba 2015”. E ta spera cu e muchanan ta corde ainda y cu nan por pasa un par di rato hopi pret atrobe. Indra semper a gusta lesa masha hopi mes, traha obra di man, skirbi y conta storia. El a studia pa algo diferente pero tog bida a hibe den otro direccion despues y el a bira escritor di buki pa mucha. Indra ta dedica su mes 100 porciento na esaki awor. E tin bastante titulo riba su nomber y ta entsiasma pa conta muchanan di Aruba di su storianan. E ta skirbi buki pa mucha di tur edad y tambe hoben. Algun di su bukinan tin un mensahe educativo y tin cu a forma base pa produccionnan visual. Na 2012 el a gana un premio na Surinam di ‘Kinderboekenschrijfster van het jaar 2012’.

Pues Indra ta pasa diferente scol pa conta storia y combersa cu mucha riba diferente tema. E lo ta presente na e fiesta di apertura diabierna awor patras di biblioteca cu ta cuminsa 5or. Un saludo di Indra “Masha danki dushi Aruba, tot heel gauw...”





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn