Indra Ru-Ramdas, escritor di 12 buki pa mucha na Aruba

Indra Hu-Ramdas ta un escritor di buki pa mucha di Surnam y e ta na Aruba pa un par di dia. Indra ta participa na e Festival di buki pa mucha y e ta pasa diferente scol pa conta storia y combersa cu mucha riba diferente tema. Diaranson atardi e ta duna un presentacion na biblioteca San Nicolas di 3or pa 4or specialmente pa mucha cu no ta haya bishita na scol. Tur mucha ta bon bini.

Indra a cuminsa conta storia tempo cu e tabata na estado di su prome yiu homber. Y despues el a cuminsa publica storia pa mucha. Esaki tabata asina exitoso cu el a bay completamente pa e carera di escritor di buki. E tin un serie di buki pa mucha riba su nomber cu ta contene storianan di 2 raton yama Leena y Jopie y tambe un pushi yama Sisi. Tambe ‘Kakak, de kakkerlak en mevrouw Oma’ (2009) a haya elogio. Na 2009 a sigui ‘Het levensverhaal van de rijstkorrel’ yRupsje regenboog’  y  tambe un zig-zag boekje. E buki ‘Laat mij niet alleen’ ta trata di un mucha homber cu ta HIV-positief. Cu esaki Indra ta purba di papia habri riba  e tema di HIV y Aids den comunidad. Na 2012 Indra a haya e reconocimento di ‘Escritor di buki pa mucha 2012’ di Stichting Kinderboekenfestival Suriname. Indra Hu-Ramdas a publica 12 buki te awor y e ta trahando riba un otro publicacion cu pronto lo sali riba mercado.

Apertura di e festival di buki pa mucha a tuma lugar diabierna atardi. Autornan y ilustradornan y contadornan cu ta participa na e proyecto aki ta Gino Vrolijk, Emerita Emerencia, Astrid Gietel, Sheila Werleman, Liliana Braamskamp-Erasmus (Aruba). Di Corsou Kathleen Giterson y Tio Ali, for di Saba Tricia Chammaa, for di Boneiro Gabriel Mercera (Tio Gabi), for di Hulanda ta participa Charlotte Doornhein, Irene Heim y Evelien van Dort. Hunto nan ta bishita e scolnan basico na Aruba pa un siman largo.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn