Irene Heim ta duna mucha forsa

Na Biblioteca Nacional Aruba tin diferente presentacion di autor di buki pa mucha e siman aki. Dialuna tabata na turno, Irene Heim, un escritor di buki pa mucha for di Hulanda. Irene ta skirbi buki pa stimula mucha pa enfrenta problemanan emocional y e ta duna sugerencia con pa haci esaki. Como professional e ta duna terapia na mucha y den su tempo liber e ta skirbi buki pa mucha cu storianan tocante por ehempel, miedo di fracasa, stress, presion den cabes, sobrepeso, termento na scol, divorcio di mayor y storia riba mayor cu ta malo. E ta purba di duna mucha transparencia den diferente situacion dificil pa e por deal cu esaki si e mester presenta su mes.

Irene ta kere cu cada mucha por tin e poder y confiansa propio pa deal cu diferente situacion dificil, sea na cas of na scol. E ta yama su storianan ‘Powerverhalen’. Su bukinan ta keda publica na Kluitman Uitgeverij, un cas editorial bon conoci na Hulanda.

Potret: Durante actividad na biblioteca dialuna ultimo el a conta storia for di un di su bukinan. Riba potret por mira e muchanan ta scucha cu atencion.

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn