Isa Brown ta presenta obra di poesia na biblioteca

Diahuebs awor tin un presentacion di bukinan di poesia na biblioteca di sra. Isa Brown. Durante e anochi Isa ta declama algun di su poemanan y ta papia riba diferente tema cu e ta haya interesante. E ta desea di papia cu publico riba expresion liber di opinion y ta tuma un ehempel na e atake terorista cu a tuma lugar recien relaciona cu publicacionnan di e revista Charlie Hebdo. Segun Isa Brown “Libertad di expresion mester prevalece, e ta un derecho fundamental di cada ser humano”. Isa Brown ta pasiona cu libertad pa expresa y esey ta refleha den su estilo di narrativa. Isa Brown ta presenta un obra di ficcion poetico cual ta conta di storianan di bida real di Isa mes y di otronan, e ta titula ‘Bisa Algo’. E otro buki di poesia ta titula: ‘Mi Lo Muri Pabo!’, e ultimo ta un obra di ficcion poetico basa ariba bida di nos Libertador Betico Croes, dfm. E presentacion ta cuminsa 7or y ta habri pa un y tur.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn