Jazz Appreciation Month ( JAM) & International Jazz Day Aruba 2015

E aña aki ta cumpli 10 aña cu Carlos Bislip a cuminsa organisa y presenta e evento cu yama Jazz Appreciation Month ( JAM). E celebracion di International Jazz Day ta dia 30 di april na Renaissance Marketplace y ta cuminsa 6or cu un variedad di musico y cantante special.

Jazz Appreciation Month (JAM) ta un iniciativa cu a nace den e seno di “The Smithsonian Institute” den aña 2001 pa duna e reconicimiento y importancia na e Arte Musical cu jama JAZZ.  UNESCO na november 2011 a declara e fecha 30 di april oficialmente como e International Jazz Day, pa asina enfatisa e papel importante cu jazz ta hunga den uni hende den tur skina na mundo.

Desde e principio di e esfuerso aki di organisa JAM e focus tabata pa encuresha hoben cu ta mustra interes den e genero di musica aki pa mehora nan mes pa asina yega na un nivel pa nan por toca den dicho celebracion. Atraves di e 10 aña cu Carlos Bislip ta organisa JAM varios hoben cu a participa den e celebracionan di JAM a bay studia musica como nan profesion y cu Jazz como concentracion demonstando un spin off effect hopi positivo.

Entre nan cu a gradua caba Jamaal Baptiste for di Jacob School of Music Indiana University (IU) cu awor ta hasiendo su Master Degree y ta un assistant instructor na (IU). David Bernabela y Jose Croeze a gradua for di Conservatorium van Amterdam y ta trahando como musico profesional na Hulanda.  Michael Bremo a gradua for di Codarts na Rotterdam anto awor ta hasiendo un  estudio graduado na  University of Central Oklahoma. Serghio Jansen a gradua for di Berklee College of Music anto ta trahando como musico profesional entre Aruba y New York. Mester menciona tambe cu actualmente Kyle Winklaar ta studiando na Fontys Hogeschool voor de Kunsten anto lo ta presente den e celebracion di JAM e aña aki.

Actualmente tin varios alumno musico cu ta na e punto di bay studia musica den exterior entre nan ta Siegfried Hart, Jeanior Koolman, Pierre Koolman, Chris Kross y Chris Rodulfo.

Ademas cu e aña aki ta e segundo lustro cu ta celebra JAM aki na Aruba kico ta haci e biaha aki algo diferente ta cu sosten di Minister Otmar y Aruba Tourism Authority  e aña aki JAM lo tin un Artista International como invitado.

Ta asinaki  cu aña pasa na October Carlos Bislip a reconecta cu un ex-colega di dje di Berklee College of Music cu yama Lenora Helm. Lenora ta un educadora di Jazz Vocals na North Carolina Central University (NCCU) ademas di esaki e ta duna les di Jazz Vocals den formato di grupo online via Skype. Door cu e Celebracion di JAM aki na Aruba predominantemente sa focus riba instrumentalista, akinan Carlos a wak un oportunidad pa vocalistanan di Aruba cu ta interesa den Jazz pa haya instruction di un persona cualifica den dicho genero. Den luz di esaki Lenora y Carlos a cuminsa brainstorm riba kico lo por ta e diferente scenarionan pa cu e Celebracion di JAM y International Jazz Day pa e aña aki. A consecuencia di esaki a bin cu un plan pa forma un grupo di cantante anto desde February nan ta ricibiendo instruccion di profesora Helm un biaha pa siman via Skype.

E grupo di canto aki lo presenta tambe den e Celebracion di JAM y International Jazz Day dia 30 di april  binidero bou di e nomber di “Aruba Vocal Jazz Ensemble”. Carlos a menciona tambe cu profesora Helm lo bin Aruba cu 3 studiante di canto di NCCU  cu actualmante ta haciendo nan Masters Degree den Vocal Jazz.

E gastonan pa trece e 3 studiante graduado aki Aruba a wordo cubri door di NCCU demonstrando aki con serio dicho Universidad ta tuma e Celebracion di JAM y International Jazz Day door di sosten esaki. E Celebracion di JAM / International Jazz Day 2015 pa e aña aki lo conta cu e talento di entre otro.

 “Student Caribbean Jazz Combo”

Xyqion Arends, Stephen Diaz, Jeremy Garcia,

Moises van de I'sle, Jean Claude Richardson, Lucio Rivadeneira.

 “The Kross / Hart Project”

Siegfried Hart, Chris Kross, Franklin Granadillo, Daniel Werleman.

 “The Lionel Scholten and Eduardo Maya Tropical Jazz”

Lo wordo acompaña pa Jeandre Hessen, Moises van de I'sle, Pierre Koolman, Kyle Winklaar.

 “The Aruba Vocal Jazz Ensemble”

Solaica Clarinda, Susjaira Kerpens, Christal Ross,

Judith Werleman, Osdelly Wester, Alydia Wever

 NCCU Jazz Studies Guest Students.

Maurice Myers, Marvin E. Thorne, Jr, Ti Harmon,

Otro Musiconan cu lo acompaña e Vocalistanan i Lenora Helm ta

Jamaal Baptiste, Ivan Quandus, Chris Rodulfo, Carlos Bislip.

 Special Guest di Aruba

Placido Hazel





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn