Koen Kampioen: Goud op Aruba

Fred Diks ta un autor di buki pa mucha cu den pasado a bishita Aruba pa e Festival di Buki pa Mucha. Esaki riba invitacion di Biblioteca Nacional Aruba. El a keda encanta cu nos isla y e muchanan di Aruba. Aki na Aruba Fred Diks a haya e idea pa skirbi un storia pa mucha. Fred Diks ta autor di e serie popular Koen Kampioen.

‘Goud op Aruba’ ta e storia cu a keda publica y cu awor ta forma parti di biblioteca su coleccion hubenil. Ta trata un storia di un team futbolista cu ta participa na un torneo internacional di futbol na Aruba, e C-team di Stark. Koen y su amigonan ta hopi contento cu nan por biaha pa Aruba. Nan ta sigur cu e ta bira un dushi vakantie. Pero ta prome biaha cu nan ta hunga den solo cayente riba un isla tropical y esaki ta nada facil. E trenmento ta bira basta pisa. E weganan ta cu hopi suspenso. Koen ta haya diferente amigo na Aruba y ta bay di paseo. Den un ruina di un mina di oro Koen ta haya un klompi “oro”. Esaki ta trece mas aventura.

‘Goud op Aruba’ tin personahe den e storia cu ta mucha di Aruba, entre nan Rayson Croes. Diferente personahe tin nomber di empleadonan di biblioteca. Di e manera aki Fred Diks ta expresa su gratitud pa e tempo dushi cu el a pasa durante Festival di Buki pa mucha. Biblioteca ta invita tur mucha futbolista pa fia y lesa e buki aki. Nivel di e buki ta 9 aña bay ariba. E buki a keda publica cerca Uitgeverij Kluitman. 'Goud op Aruba' a wordo nomina pa e Nederlandse kinderjury 2016. E ta obtenibel tambe na libreria.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn