Lydia Rood autora for di Hulanda ta bishita scol

Biblioteca Nacional Aruba a invita un escritora di Hulanda, sra. Lydia Rood pa participa na e Festival di Buki pa Mucha. Lydia ta escritora di entre otro e bukinan ‘Brief uit Holland’, ‘Draken eiland in nood’ y ‘Dans! Dans!’. E ta forma parti di un grupo di autor y contado di storia cu ta bishita diferente scol na Aruba den e siman di 1 pa 8 di november 2013.

Lydia Rood (1957) ta inventa su cuentanan asina hopi tempo caba cu ni e mes ta corda ki dia el a cuminsa cu esaki.  Lydia a studia Spaño y e ta periodista. Dia su yiu muhe Roosmarijn tabata chikito ainda, e a tabata skirbi cuenta over di dje: ‘Roosmarijn por tur cos!’

Na 1990 el a gana e premio ‘Vlag & Wimpel’ pa su buki titula ‘Maanzaad’, na 1994 el a gana un Zilveren Griffel pa su buki ‘Een mond vol dons.’ Lydia ta diverti su mes hopi skirbiendo tocante di ‘ E isla di Dragon’, caminda mucha so ta biba.

Na 2007 Lydia Rood a skirbi e Buki di cariño: Kaloeha Dzong. Lydia gusta baila hopi tambe. Na 2012 el a skirbi un buki ‘Dans -! Dans!’ tocante e danshype ‘De BWGNG’.

Pasobra Lydia gusta biaha y pasa den aventura, e ta busca su inspiracion preferibelmente na otro paisnan. Tin biaha e ta skirbi hunto cu su casa, Mohamed Sahli over di Marokko. E stima macaco y pushi, pero mas ainda hende.

Pa un siman largo biblioteca ta presenta un festival di buki atractivo y diverso. Autornan di Aruba, Corsou, Bonaire, Hulanda y Costa Rica lo bishita scolnan pa presenta nan mes y conta algo di nan buki, tambe pa lesa fragmento for di nan buki of sea hasi un wega cu e muchanan. Ta e intencion pa stimula un interaccion entre mucha y autor. Despues di merdia tin diferente presentacion tambe na biblioteca Playa y San Nicolas. Di 3 pa 4 or di atardi. Tur mucha ta invita na e evento special aki!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn