Mas donacion pa biblioteca

Diabierna ultimo riba Dia di San Valentino e artista visual, Nelson Gonzalez a entrega un obra special na directora di Biblioteca Nacional Aruba, sra. Astrid Britten.

Ta trata di un un cuadra for di e serie ‘Situaciones Organicas’ cu ta acrilico riba canvas di e tamaño 102 cm x 103 cm. Nelson a pinta e cuadra aki na 2013 pa un exposicion cu un tema interesante.

Nelson Gonzalez a tene un exposicion na biblioteca titula ‘Milk drops’ na 2013. Pa expresa su gratitud pa e espacio y oportunidad Nelson a regala biblioteca un di su obranan pa asina bishitantenan por disfruta di arte na biblioteca.

Nelson Gonzalez ta activo como artista visual desde aña 2000 na Aruba y na 2008 a funda Art Rap Foundation hunto cu 5 otro artista. E grupo aki ta intercambia expresionnan artistico cu e comunidad di San Nicolas, otro organisacion social-cultural, artista y otro persona na Aruba. E colectivo ta traha activamente riba produccion di obranan teatral. Nelson Gonzalez ta tene exposicion regular na Aruba, Corsou y Hulanda di su cuadranan, potret, arte digital, video art y otro obheto tipico.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn