Musica ta nos Bida

Diahuebs, 5 di juni ultimo, Biblioteca Nacional Aruba, tabatin su programa semanal, Actividad di Atardi, cu un topico hopi gusta pa grandi y chikito, cual ta musica!

E prome parti tabata na encargo di conocido musico, Chencho Kelly, cu a duna nos chikitinnan un tayer di musica cortico cu instrumentonan di musica en combinacion cu un poco di e historia di Dera Gai.  

E segunda parti di e programa, un grupo musical ‘Los Talentosos’ cu ta conisti di hobennen entre 8 pa 20 aña cu a deleita nos muchanan cu canticanan di scol, manera: Chabelita, Ban, ban pasa un rondo y hopi mas. E muchanan por a canta hunto cu nan door cu tur e canticanan ta canticanan conoci. Baliando manera nan so nan por nan a demostra cu con chikito nan ta nan tambe ta aprecia musica manera un bon Rubiano.

E team di Actividad di Atardi di Biblioteca Nacional Aruba ta probecha e oportunidad pa invita e muchanan diahuebs 12 di juni, di 3 pa 4 or di atardi cu un tayer di  pintamento cu lo ta na encargo di e conocido pintor, Robert van Rooijen.

Pa diahuebs 19 di juni nos lo continua cu un actividad di pintamento di cara, cu lo wordo treci pa Annie, un studiante cu ta bishita nos Biblioteca Nacional Aruba cu frecuencia, y nos por a aprecia su trabao cu ta wordo haci cu hopi dedicacion. Muchanan, nos ta warda boso.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn