Musical pearls from Aruba, Bonaire and Curacao di Eric Tchong

Awe e bunita publicacion ‘Musical pearls from Aruba, Bonaire and Curacao’ a keda entrega oficial na Biblioteca Nacional Aruba. E musico, compositor y docente di musica Eric Tchong a bishita biblioteca personalmente pa entrega un caha cu 17 ehemplar di su ultimo produccion. Astrid Britten, directora di bibliotea, a keda masha contento mes cu e bishita aki y e cantidad tabata un sorpresa extra.

Una beyesa di un obra cu Tchong ta masha orguyoso di dje. Un portada hopi yamativo y colorido. E obra ta un coleccion di partituranan (bladmuziek) di mas cu 60 cantica. Tchong a skirbi como un comentario personal “ It is with immense satisfaction that I present to you a collection of musical pearls from Aruba, Bonaire and Curacao. From my treasure box of musical pearls I selected a big collection of never published songs and instrumental pieces. Being a pastoral musician please find also spiritual songs. May you experience the beauty of these precious cultural findings

Tchong a nace na Aruba na aña 1941. Cu 10 aña Tchong a bay biba na Hulanda caminda el a sigui scol y su formacion musical. El a cuminsa cu les priva di piano y despues el a bay un scol di musica na Rotterdam. Durante su estudio na Nijmegen el a toca como bahista den orkesta Arubiano “Tropical Serenaders”. Como auto-didacto el a cuminsa toca guitara clasico. Na 1965 el a regresa Aruba. Tchong tin 31 aña caba ta dedica su mes na educacion y formacion musical di mucha na Aruba. Tambe el a traha na Scol di Musica como docente. Awendia como penshionado e ta dedica tur su tempo na skirbi musica y partituranan asina documentando cancionnan nunca antes publica.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn