Na caminda pa e fiesta grandi

Diabierna awor dia 1 di november 2013 Biblioteca Nacional Aruba ta organisa su di 21 Festival di Buki pa Mucha. Esaki ta tuma lugar dilanti Biblioteca na Playa. Ora: 6.00 p.m– 8.00 p.m. Lema di e aña aki ta: “Buki buki den wega, pianan na careda!”

Durante e Siman di Buki, manera custumber, e librerianan participante ta regala, cu cada compra di un buki di mucha na un suma stipula, e Regalo di e Siman di Buki di Mucha.

E aña aki “Na caminda pa e fiesta grandi!” ta e escohencia pa e festival. Esaki a wordo skirbi pa Sr. Gino Vrolijk, autor participante na e festival. Na caminda pa e fiesta grandi / Op weg naar het grote feest ta su di dos buki y ta un honor grandi p’e cu el a haya e oportunidad pa skirbi e Regalo di Siman di Buki pa e Festival di Buki di Mucha di Aruba pa aña 2013.

E financiamento di e Regalo di e Siman di Buki ta un cooperacion entre Biblioteca Nacional Aruba, RBC Royal Bank, Plaza Bookshop, De Wit & Van Dorp Stores, Antraco Aruba NV y Educar NV. Organisadornan di e festival ta masha contento cu e publicacion aki cu pronto muchanan na Aruba por haya pa lesa y disfruta di dje.

Autornan/ ilustradornan ta bishita diferente scol entre dia 4 te cu dia 7 di november. Ta bai tin participantenan di Aruba, Curaçao, Bonaire, Hulanda y Costa Rica. Bin disfruta di e dushi ambiente, show, canto, bendemento di buki, cushina y bar bon surti. Un y tur ta bon bini pa pasa for di 4’or di atardi.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn