Objects on land

Diabierna awor tin apertura di e exposicion di e conocido artista Danilo Geerman. E Apertura ta di 7or te cu 9or y mey di anochi na Biblioteca Nacional Aruba. E exposicion “Objects on Land” ta habri te cu dia 19 di April, y ta habri durante e orario di biblioteca.

E exposicion cu titulo “Objects on Land” ta un presentacion di e ultimo obranan cu Danilo a produci, un coleccion di obra traha cu diferente tecnica, manera Lino-snee riba papel, ink riba papel, ets y mixed-media, un serie di obra nobo.

E titulo di e exposicion ta hiba nos den un dimension cu Danilo su imaginacion ta biaha den dje. ‘Obhetonan riba tera’ ta un tema cu Danilo a yega di traha cu ne un par di aña atras, pero cu ta te awor numa el a dicidi di caba di explora y elabora. E ta un coleccion primordialmente di lino-cut, pero Danilo ta mustra algun otro tecnica tambe. Danilo ta domina varios disciplina pero masha poco el a mustra nan. Tambe por mira un evolucion organico den e trabou di Danilo, con su “matanan” di algun aña atras a keda evoluciona den organismonan totalmente diferente. Un proceso cu ta bin casi natural pa e artista aki.

Un y tur ta invita pa den proximo dos siman pasa admira e obranan di Danilo.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn