Opa y Oma, lesa pa nos awe, pa mañan nos sa!

E aña aki e conocido autor di e serie di buki pa mucha ‘Koen Kampioen’ y ‘James Blond’, sr. Fred Diks, ta skirbi e buki pa e Festival d buki pa mucha 2016, asina e comision di e festival a revela na prensa ayeratardi. Lema di e festival taOpa y Oma, lesa pa nos awe, pa mañan nos sa!’

Cu e lema aki ta pone atencion riba e famia, welo cu wela cu por yuda nan nietonan activamente cu lesamento door di lesa pa y cu nan y conta storia. Na Hulanda e autor di buki pa mucha, Dolf Verroen, ta skirbi e buki di Kinderboekenweek 2016.

Fred Diks a namora cu Aruba durante su bishitanan pa e Festival di buki na 2014. Esaki a inspira Fred Diks pa skiribi e buki ‘Goud op Aruba’ pa e serie di Koen Kampioen. Esaki ta den coleccion di biblioteca pa mucha por fia.

E Festival di buki pa mucha ta tuma lugar den siman di 28 di oktober pa dia 4 di november. Ya e comision di e festival ta trahando riba e organisacion. Artista local Ryan Oduber ta ilustra e buki di Fred Diks y sra. Lilian Semeleer, hefe suplente di Biblioteca Nacional Aruba ta percura pa e traduccion na Papiamento. E buki pa mucha lo ta na dos idioma pa asina hopi mucha por lesa e buki. Tur scol participante lo haya un ehemplar di e buki aki manera custumber y e buki lo ta obtenibel gratuitamente cu cada compra na libreria local. E siman di buki 2016 ta un siman yen di actividad pa promociona lesamento y contamento di storia y ta laga e mucha cera conoci cu e mundo di buki.

Biblioteca ta spera cu tur scol cu ta desea di participa tuma bon nota di e fechanan di e festival y cu e maestronan encurasha y motiva e muchanan pa nan forma parti activo den e Siman di Buki 2016.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn