Oportunidadnan diario pa stimula lesamento

Oportunidadnan diario pa stimula lesamento

Sea bo yiu ta baby, peuter of por lesa caba, haya tempo pa lesa ta hopi importante pa su abilidadnan di lesa cu ta desaroyando. Tin hopi manera facil y conveniente pa lesamento bira parti di bida diario, hasta ora ta dificil pa haya tempo pa sinta lesa un buki.

Con pa haya e oranan pa lesa?
Ora bo ta den auto, haciendo respondi, para den rij y na dokter, tur ta oportunidadnan pa lesa. Wak pa bo tin buki of revista cu bo den auto, den tas di e baby, of rugtas pa ora bo bai un parti cu bo yiu y boso mester keda basta rato. Si no logra lesa un buki completo, toch por lesa un par di pagina of combersa cu otro riba e plachinan. Encurasha bo yiunan mas grandi pa unda cu boso bai pa nan hiba nan buki y revista favorito.

Tin otro momento den dia y dependiendo di e rutina diario cu por probecha pa lesa:

 mainta, prome cu desayuna of ora di bisti paña
 despues di cena, ora e yiunan a relaha
 ora di drumi.

Oportunidad pa lesa tey unda cu bo bai cu bo yiu. Por ehempel, bo por lesa pa bo baby  na bos halto e borchinan cu boso ta mira ora bo ta core auto. Puntra bo yiu di 2 pa 4 aña pa “lesa” e plachinan riba caha di producto den supermercado y tambe bo por lag’e conta bo loke e ta mira. Y bo yiunan mas grandi bo por laga nan bisa bo loke tin scibi riba e lista di compra.

Hasta tareanan rond di cas y cu ta rutina, manera cushinamento, ta crea oportunidad pa lesa. Cu bo yiu mas chikito bo ta lesa e recetanan pa e tende, bo yiu mas grandi bo ta pidie yuda bo dor di lesa p.e. e cantidad di hariña cu bo mester midi. Duna bo yiu un catalogo pa lesa mientras bo ta repasa post. Puntra bo conocirnan y famia pa manda carta pa bo yiu of  e-mail e y hunto boso ta lesa nan.

Ora bo ta hopi druk pa caba cu trabao di cas bo por encurasha lesamento di bo yiu tambe. Si e ta keha cu e ta ferfelando su mes, mientras bo ta bariendo cas, bo por puntr’e pa lesa

pa na boz halto un buki cu e gusta. Yiu mas chikito por conta bo di e plachinan cu e ta wak den su buki favorito.

Y ta importante pa percura cu bo yiu tin tempo pa trankil e por lesa buki. Hasta si esaki ta nifica cu e mester salta cierto actividadnan, manera wak television of hunga wega di video.

Mas importante ta cu bo mes mester bira hende cu ta lesa. Muchanan cu mira nan mayornan lesa ta haya mas gana pa join nan y asina bira hendenan cu tambe ta gusta lesa.


Fuente: articulo “Everyday reading opportunities” – Kidshealth.
Pa pregunta y mas informacion riba educacion por acerca
Fundacion Pa Nos Muchanan, Cumana 2, tel. 583-4247 / 588-0856, fax. 583-5658,
 e-mail: info@fpnm.aw





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn