Pabien Atelier ’89

Biblioteca Nacional Aruba ta manda un pabien pa Atelier ’89 cu diadomingo awor ta celebra 10 aña di existencia. Despues di un pauze di algun aña Atelier ’89 a habri porta bek pa Aruba henter na 2006. Atelier ’89 ta un fundacion cu a brinda na grandi y chikito e oportunidad pa explora nan talentonan artistico y siña mucho mas di arte y mas specifico Arte Contemporaneo.

Tantisimo exposicion di alumno y artista nos por a wak durante e añanan cu a pasa. Exposicionnan interesante pa wak y admira algo nobo y haya inspiracion a causa hopi impresion cerca e bishitante. Atelier ’89 a trece hopi curso y workshop den diferente disciplina di arte cu invitadonan internacional pa duna curso y tin un bunita programa tambe pa 2016. Tur esaki bou guia di artista, curador y director, sr. Elvis Lopez.

Atelier ’89 a duna oportunidad na hopi hende cu atencion special pa hoben pa descubri otro expresionnan di creatividad, di pensa, di experencia, di biba y di wak mundo. Y den e continuidad y forsa di enseñansa di arte Atelier ’89 a haci su impacto riba desaroyonan den arte na Aruba. Biblioteca Nacional Aruba a trata semper di sostene e trabou di Atelier ’89 y lo sigui apoya su director, Elvis Lopez den diferente area, di yuda cu promocion y ofrece su espacio pa cualkier actividad of presentacion. Gerente di Biblioteca Nacional Aruba ta felicita sr. Elvis Lopez cu su bunita trabou pa comunidad. Y ta expresa e deseo cu Atelier ’89 ta sigui exitoso.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn