Papia ta nada, Komuniká t’e kos’

Diabierna awor tin presentacion di e buki titula ‘Papia ta nada, Komuniká t’e kos’ na Biblioteca Nacional Aruba. Darcy Lopes a bin for di Corsou pa presenta su buki na e publico di Aruba. Presentacion ta cuminsa 6or.

E arte di komunikashon ta un instrumento mashá necesario pa éksito. E abilidat pa komparti un pensamentu of idea ku otro, na un manera kla, konsiso i ku konvikshon, a bira algu indispensabel pa un persona ku ke funshoná ku efectividat. “ Asina sr. Lopes ta cuminsa su introduccion. Ademas e ta remarca “Tantu bal un bon idea, si no por formul’é. Tantu bal un splikashon, si niun hende no ta komprend’é. Tantu bal un tremendo mensahe, si no por tresé elokuentemente.”  Si bo tin ku marka por lo menos tres di e puntonan aki bou, e buki aki ta sirbí p’bo:

  1. Mi tin miedo di para dilanti di un grupo i papia.
  2. Mi ke sa kon domina e tenshon prome i durante un presentashon
  3. Mi ke siña formula i ekspresa mi ideanan miho
  4. Mi ke sa kon komunika na luga di simplemente papia

Sr. Lopes a specialisa su mes den dunamento di training di Public Speaking, Motivacion, Teambuilding, Reunionnan eficiente y efectivo. Comunicacion ta su pasion. Lopes conoce Aruba bon como cu el a biba 10 aña na nos isla como hoben y el a duna curso na diferente compania local. Si pues e topico aki ta interesa bo, bo ta bon bini na Biblioteca Nacional Aruba diabierna awor, 6or.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn