Papiamento y Literatura: un man ta laba otro

Fundacion Lanta Papiamento (FLP) ta organisa dialuna awor, dia 16 di januari 2017, su prome actividad pa e aña aki. Lo ta un anochi literario hopi varia.

E autor Arubiano Quito Nicolaas, residencia na Hulanda, ta presenta su charla “Papiamento y Literatura: un man ta laba otro” y lo haci uzo di e oportunidad pa presenta su buki nobo “Met open ogen”, un coleccion di columna tocante cultura, literatura y politica. E buki aki lo ta na benta e anochi aki. Ademas tin den e programa lesamento di un fragmento di e buki nobo, un analisis di e buki, declamacion di dos poesia di Quito Nicolaas y baile di Grupo Dabaruida. FLP ta invita un y tur pa e evento interesante aki cu ta tuma luga na Biblioteca Nacional Aruba den George Madurostraat di 7.30 pa 9.30 di anochi. Entrada ta gratis. Tur hende ta bonbini.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn