Parlamento Hubenil ta presenta Summer Courses 2014

Pa di cuater aña consecutivo, Fundacion Parlamento Hubenil Aruba ta presenta un di nan projectonan mas grandi y importante, ‘Summer Courses 2014’.

Pa solamente awg. 15,= pa tur tres dia, abo lo por participa den e Summer Courses 2014 cual lo tuma lugar riba e dianan 08, 09 y 10 Juli 2014 di 8or di mainta pa 1or di atardi na e Auditorium di Colegio E.P.I.

E cursonan lo ta e.o; Leadership, Public Speaking, Healthy Living, Being Confident, Why Smile y e curso principal di Summer Courses 2014 ‘Personal Branding’. Siguramente esaki no ta algo di perde! E cursonan aki lo wordo duna di un manera hopi practico y interactivo stimulando mas e participacion di e hoben mes durante e curso. Na final di cada dia Parlamento Hubenil ta asegura cada hoben cu asisti na Summer Courses lo siña algo cu nan lo por pone den practica den nan dia a dia.

Parlamento Hubenil kier a remarca, cu lo tin lugar pa solamente 100 hoben asisti na e curso aki, pa por reserva bo lugar por mail na summercourses@hotmail.com mandando bo Nomber y fam, edad, email y telefon pa contacto. Of tambe por aserca oficina di Parlamento Hubenil of miembronan di Parlamento Hubenil pa asina cumpra bo ticket diractamente pa asegura cu bo persona ta den. Pa esnan cu un of otro motibo no por asisti na tur tres dia, esaki no ta problema, Parlamento Hubenil ta ofrece e oferta di awg. 7.50,- cual lo bo por haci e pago riba e dianan mes di Summer Courses.

Fundacion Parlamento Hubenil Aruba ta haci un yamado na tur mayor pa stimula nan yiunan participa na e cursonan aki. A yega momento pa nos stimula nos hobennan pa ta mas activo y productivo durante vakantie grandi. Ta pesey Parlamento Hubenil a trece e projecto aki, pa stimula e ‘continuous learning’ di nos hobennan.

Pa mas informacion di e projecto of di Parlamento Hubenil por tuma contacto cu oficina di Parlamento hubenil via email na Youthparliamentaruba@gmail.com of por yama na 588-6860 of 583-8856.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn