Participacion encuesta “About Workplace Harassment”

E organisacion “About Workplace Harassment” funda door di sra. Karin Bosman, ta un organisacion independiente y actualmente ta haciendo un investigacion riba e fenomeno  “Intimidacion sexual na trabou”. Algun tempo atras sra. Bosman a haci un presentacion riba e topico aki na Departamento di Labor y investigacion y tambe na Ministerio di Asuntonan Social, Hubentud y Labor y a papia riba un investigacion cu su organisacion ta eherce na Aruba riba e topico aki.

Sra. Bosman mes ta un victima di harrasment na trabou y pa tal motibo a bira un consehero experencia riba e tereno di “Intimidacion sexual riba tereno di trabou”. E ta dedica su mes na conscientisa y conseha organisacionnan con pa atende cu e fenomeno aki.  Intimidacion sexual ta un topico cu mundialmente tin atencion.  Intimidacion sexual por tin diferente resultado negativo pa e victima, por ehempel; sentimentonan di culpabilidad, berguensa y tambe depresion, enfermedadnan cu por conduci na ausencia (AO) pa tempo largo. Un di e consecuencianan tambe ta e imagen negativo cu e empresa/organisacion por haya. Mirando e seriedad di e fenomeno aki, Bosman a crea un encuesta caminda e ta haci diferente pregunta pa wak si na Aruba e fenomeno ta existi tambe y den ki magnitud.  E cuestionario aki ta tuma solamente 5 minuut di bo tempo.

Bo cooperacion como trahador ta wordo solicita pa participa den e investigacion aki. Bo participacion lo ta anonimo y ta di gran importancia y lo duna un gran aporte na e investigacion aki. Tur dato ta keda confidencial. E investigacion aki ta sumamente importante pa por trece seguridad riba tereno di trabou pa bo persona y bo coleganan. E preguntanan por ta directo y fuerte, pero ta pa ricibi e contestanan cu tur berdad. E ta basa riba situacionnan di intimidacion sexual cu kizas bo mes a pasa aden of un colega di bo. Esaki ta e link pa participa na e encuesta.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn